Ibarruriko plazatik hasiko dan ibilaldia inguruko auzoetatik pasatuko da eta bere kota gorenena Oiz mendiko San Kristobal ermita izango da.
Bidean, basorik baso auzo desbardinak igaro eta ibilbideko lehen txakolindegia ikusiko dogu, Berrojas. Aurrera ekin eta Urrutxun (8km), martxa luzearekin Oiz mendirantz hartu edo martxa laburrarekin sahiesbide bat hartu ahal izango da. Oizko San Kristobal ermitara (11,5km) astokurtzetik antzinako bidea erabiliz egingo da eta beherako lanak hasi gero. Kilometroak aurrera eginez bigarren txakolindegira ere helduko gara, Osinbaltza. Hor elkartuko dira ibilbide luze eta laburra berriz (18km), Asteitik hurbil. Amaitzen doan ibilbidean, azken aldats beherak egin eta hasierako puntura helduko gara.
Ibilaldi guztian zehar banatuta jan-edan postuak egongo dira indarrak hartu zein errekuperatzeko.
Ibilbide guztia naturgane eta basoko bideetan zehar igaroko da, Bizkaiko toki ezkutuez gozatu eta mendi gailurretik itsasoa ikusteraino.
Martxaren bukaeran jai giroan zernahi jan eta edateko aukera egongo da, eta parte-hartzaileentzako opari bana.